सि.टा. समाचारदाता
हुम्ला । जिल्लास्थित कृयाशिल पत्रकाररुले निष्पक्ष रुपमा निर्वाचन सम्वन्धि समाचार सङ्कलन गर्ने प्रतिबद्धता जनाएका छन् निर्वाचनमा निष्पक्ष रुपमा समाचार सङ्कलन गर्न आयोगले कार्यान्वयनमा ल्याएको निर्वाचन आचार संहित पालन गराउनका लागि जिल्लाका पत्रकारहरुलाई तालिमको ब्यवस्था गरिएको हो ।
फागुन २१ गतेको प्रतिनिधिसभा सदस्य निर्वाचनको समाचारहरु स्वतन्त्र र निष्पक्ष रुपमा समाचार सङ्कलन गरेर प्रकाशन प्रसारण गर्न सघाउ पुर्याउनका लागि जिल्लाका पत्रकारहरुलाई तालिम सञ्चालन गरिएको पत्रकार महासंघ हुम्लाका सचिव नन्द सिंहले बताए । शनिबार आयोजना गरिएको यो तालिमले पत्रकारहरुलाई निर्वाचन समाचार सङ्कलनमा सहजता प्रदान गर्ने बिस्वास गरिएको छ । साथै निर्वाचन आचार संहिताका वारेमा पनि सहजिकरण गरिएको थियो । निर्वाचन सम्वन्धि समाचार सङ्कलनका बारेमा नेपाल पत्रकार महासंघ हुम्ला शाखाका अध्यक्ष राजन रावतले सहजिकरण गरेका थिए । सहजिकरण मार्फत अध्यक्ष रावतले निष्पक्ष, स्वतन्त्र, सन्तुलित र बिस्वसनिय समाचारका बारेमा सहजिकरण गरेका थिए । त्यसैगरि आयोगले जारी गरेका निर्वाचन आचार संहिताका सम्वन्धमा मुख्य निर्वाचन अधिकृत निलकण्ठ बरालले सहजिकरण गरेका थिए । आचार संहिता उलङ्घन गरे कानूनी कारवाहीका बारेमा पनि सहजिकरण गर्ने कार्य उनले बताए । फागुन २१ गतेको निर्वाचनका बारमा हालसम्मको प्रगतिका बारेमा प्रमुख जिल्ला अधिकारी टेक कुमार रेग्मीले जानकारी गराए । तालिममा सहभागी सञ्चारकर्मीहरुले निष्पक्ष र स्वतन्त्र रुपमा पत्रकारिता गर्ने र आचार संहिताको पुर्ण पालना गर्ने प्रतिबद्धता ब्यक्त गरेको नेपाल पत्रकार महासंघका पुर्वउपाध्यक्ष राज शाहीले बताए । तालिममा जिल्लाका पन्द्र जना सञ्चारकर्मी, सुरक्षा निकायाका प्रमुख, निर्वाचन आचार संहिता अनुगमन समितिका सदस्यहरुको सहभागिता रहेको थियो । यो कार्यक्रम पत्रकार महासंघ हुम्ला शाखाको आयोजनामा सञ्चालन भएको हो ।
