सि.टा समचारदाता
लिमी उपत्यका प्रवेश गर्ने नाम्खा गाउँपालिकाको न्यालु लेकमा हिमपात भएको छ । दुई दिन लगातार वर्षा भएपनि पाँच हजार मिटर भन्दा अग्लो न्यालु क्षेत्रमा हिमपात भएको हो ।
गत बिहीबार र शुक्रबार लगातार वर्षा भएपछि शुक्रबार बेलुकाबाट हिमपात भएको नाम्खा गाउँपालिका प्रशासकीय अधिकृत मोहनबहादुर शाहीले जानकारी दिए । उक्त गाउँपालिकाका अध्यक्ष प्रेमबहादुर लामा सहितको टोली सो समयमा लिमीमा रहेको थियो । उनले न्यालु क्षेत्रको जमिनमा एक फिट हिउ जमेको भएपनि गाडीमा लिमीबाट गाउँपालिका केन्द्र याल्वाङ आउन सफल भएको बताए । गाडी हिउ जमेको सडक मै गुडेर आएको हो । उनले हिमपात भएको कारण चिसो भने बढेको बताए । यो न्यालु लेकमा यो वर्षको पहिलो हिमपात हो ।
