सि.टा. समाचारदाता
सिमकोट । पाँच महिनादेखि पारिश्रमिक नपाएर चिकीत्सकहरुले सेवा प्रदान गरि रहेको पाईएको छ । स्वास्थ्य सेवा कार्यालय अन्र्तगतको जिल्ला अस्पतालमा कार्यरत चिकीत्सकहरुले पारिश्रमिक नपाउदा पनि काम गरि रहेको पाईएको हो ।
अस्पतालमा कार्यरत पाँच जना चिकीत्कसहरुले गत बैशाख महिनादेखि पारिश्रमिक बिनै काम गरि रहेको स्वास्थ्य सेवा कार्यालयका प्रमुख प्रेमबहादुर सिंहले बताए । संघीय सरकारबाट आउनु पर्ने चिकीत्कसको पारिश्रमिकको रकम नआए पछि चिकीत्सकहरुलाई हालसम्म पारिश्रमिक नपाएको उनले बताए । उनले संघबाट नआएपछि अब प्रदेश सरकारसंग सो पारिश्रमिक माग गर्ने कार्य भएको भएपनि बजेट भने निकासा नआएको बताए । पारिश्रमिकको लागि पत्राचार गर्ने भई सकेको कारण अब चाँडै प्रदेश सरकारबाट बजेट निकासा आउने उनले बताए । पाँच पाँच महिनासम्म पारिश्रमिक बिनै काम गर्नु पर्दा चिकीत्सकहरुले भने खिन्नता मानेका छन् ।
