सि.टा.समाचारदाता
सिमकोट । यस वर्षको दशैमा पनि हुम्लावासीले च्याङ्ग्राको मासु खान नपाउने भएका छन् । बडा दशैमा पनि चीनबाट हिल्सा नाका भएर चिनीयाँ च्याङ्ग्रा दशैका लागि नआउने भएकाको मासु खान नपाईने भएको हो ।
च्याङ्ग्रा निकासीका लागि चीनको पुराङ काउण्टीले अनुमति पत्र नदिने भएको कारण यस पटकको दशैमा पनि जिल्लामा ब्यापारीले च्याङ्ग्रा ल्याउन नसकिने जनाएका हुन । हाल चीनको ताक्लाकोटमा ब्यापार गर्दै आएका सिमकोट गाउँपालिका–2 का ब्यापारी बुम, धनजित भण्डारीले धेरै वर्ष पछि हुम्लामा चिनीयाँ च्याङ्ग्रा ल्याउने प्रयास गरिएको भएपनि त्यो प्रयास यस पटक पनि सफल नहुने बताए । उनले आफुहरुले जिल्लामा ल्याउनका लागि च्याङ्ग्रा हेरेर ठिक्क पारेको भएपनि ताक्लाकोटको स्थानीय प्रशासनले च्याङ्ग्रा निकासीको अनुमति पत्र नदिने भएको कारण यस पटकको दशै ल्याउन नसकिने बताए । केही दिन अगाडी उनको टोलीले यस पटक दशैमा चिनीयाँ च्याङ्ग्रा ल्याउने जनाएको थिए । जिल्लावासी पनि लामो समयपछि यस पटकको दशैमा च्याङ्ग्रा काट्न पाईने भनेर खुसी देखिएका थिए । हुम्लामा चिनीयाँ च्याङ्ग्रा कोरोना पछि आउनै छोडेको छ । तर उनले कातिक महिनामा भने च्याङ्ग्रा ल्याएर आउने बताए । हुम्ला जिल्ला कै नाम्खा गाउँपालिका– ५ को यारी र छ को लिमी मात्र च्याङ्ग्रा पालन हुने गर्थयाे । ती दुबै गाँउका स्थानीयले केही वर्ष अगाडी देखि च्याङ्ग्रा पाल्न छोडी सकेका थिए । हुम्लावासीले यसपटकको दशैमा पनि स्थानीय खसीको बली दिनु पर्नेछ ।
