सि.टा समाचारदाता
सिमकोट । भारतीय धार्मिक पर्यटक भारतबाटै मोटर साईकलमा लाप्चा जानका लागि सिमकोट आई पुगेका छन् । मोटर साईकलबाट सिमकोट आई पुगेका दुई जना भारतीय धार्मिक पर्यटकहरुलाई सिमकोटमा स्थानीयले भव्य स्वागत गरेका हुन । नेपाली भूमि लाप्चा क्षेत्रबाट मानसरोवर कैलाशको दुरदर्शन गर्न ती धार्मिक पर्यटकहरु पैदल मार्गबाट सिमकोट आई पुगेको पर्यटन ब्यवसायी रामजन रावतले बताए । नेपाली भूमिलाई महत्व दिएर मानसरोवर कैलाशको दुरदर्शन गर्न आएको कारण सिमकोटमा स्वागत गरेर उनीहरुलाई हौसला प्रदान गरिएको उनले बताए । यसरी भारतको जोतपुर राजस्थान निवासी रविन्द्र सोलाकी र ऋषभ पालीवाल रहेका छन । हिमालय मोटर साईकलमा सवार भएर भारतको राजस्थानबाट एक हप्ता लगाएर हुम्लाको सिमकोटमा आई पुगेका छन् । उनीहरु मंगलवार लाप्चातर्फ लाग्नेछन् । लाप्चा क्षेत्रको प्रचार प्रसार गर्ने र अन्य भारतीय धार्मिक पर्यटकहरुलाई पनि आर्कषण गर्नका लागि पैदल मार्गबाट आएको सोलाकीले बताए ।
