लोग भण्डारी
सिमकोट । नाम्खा गाउँपालिका– ६ को हिमालपारीको गाउँ लिमीमा उवा भित्र्याउने कार्य सम्पन्न भएको छ । वर्षमा एक पटक पाक्ने उवा बाली पाकेपछि किसानहरुले भित्र्याउने कार्य मंगलवार सम्पन्न गरेका हुन ।
जग्गा जमिनमा गत वर्ष कातिक मंसीर महिनामा छरेको उवाबाली पाकेपछि यतिबेला त्यसलाई भित्र्याउने कार्य पुरा भएको लिमीका वडा अध्यक्ष पाल्जोर तामाङले बताए । यस वर्ष लिमीको हल्जी गाउँमा जमिनबाट उवा टिप्नेदेखि सुकाउने काम नौ दिनमा सम्पन्न भएको उनले बताए । नौ दिनसम्म किसानहरुलाई आफ्नो टिप्ने र पर्मा जाने कामले मारामार भएको बताउदै उनले अबबाट कामदेखि शास्ती मिलेको बताए । सिंचाई सुविधा पुगेको कारण यस वर्ष उवा बाली राम्रो फलेको उनले बताए । उवा बाली भित्र्याउन ताक्लाकोटमा काम गर्दै आएका लिमीका स्थानीय पनि गाउँमा आएका छन् । महिला पुरुष मिलेर उवा भित्र्याउने कार्य गरिएको हो । लिमीमा चार हजार मिटरको क्षेत्रमा उवा बाली फल्ने गर्छ ।
