सि.टा समाचारदाता
हिमाली जिल्ला हुम्लामा दुई दिनदेखि हवाई सेवा अबरुद्ध हुँदै आएको छ । बिहीबार बिहान नै देखि लगातार वर्षा भई रहेको कारण हवाई सेवा अबरुद्ध भएको हो ।
बिहीबारबाट हुम्लाको हवाई सेवा अबरुद्ध भएको सिता एयर सिमकोटका इन्चार्ज छेपेल लामाले बताए । बिहीबार र शुक्रवार बिहानैबाट जहाज नेपालगंजबाट सिमकोट उडानका लागि तयारी अवस्थामा रहेको भएपनि लगातार वर्षा भई रहेको कारण हवाई सेवा अबरुद्ध भएको उनले बताए । दुवै दिन नेपालगंजबाट सिमकोटका लागि उडान तालिका रहेको भएपनि लगातारको वर्षाको कारण हवाई सेवा अबरुद्ध भएको हो । हवाई सेवा अबरुद्ध भएपछि नेपालगंजबाट सिमकोट आउने यात्रुहरु नेपालगंजको राँझा बिमानस्थलमा बिहानै आएर दिउसो फर्कन बाध्य हुँदै आएका छन् भने सिमकोटबाट नेपालगंजतर्फ लाग्ने यात्रुहरु पनि मर्कामा परेका छन् । हाल समिट र सीता एयरले सिमकोटका लागि नियमित उडान भर्दे आएका छन् ।
