सि.टा. समाचारदाता
सिमकोट । खार्पुनाथ गाउँपालिका– ४ को छिप्रामा आर्थिक वर्ष ०८०।०८१ मा २१ वटा भौतिक पुर्बाधारका योजनाहरु सम्पन्न भएको पाईएको छ । सो आर्थिक वर्ष वडाले गरेको सार्वजनिक सुनुवाई कार्यक्रम आयोजना गरेर उक्त जानकारी दिएको हो ।
उक्त वडाकी वडा अध्यक्ष रंगमति शाहीले सार्वजनिक सुनुवाई कार्यक्रममा आर्थिक वर्ष ०८०।०८१ मा २१ वटा भौतिक पुर्बाधारका योजनाहरु सम्पन्न भएको बताईन । यसका लागि छ करोड ७६ लाख ७६ हजारका भौतिक पुर्बाधारका योजनाहरु सम्पन्न भएको जानकारी दिईन । त्यसैगरि वडाबाट भएका अन्य सम्पादन भएका कामहरुको पनि जानकारी दिएकी थिईन । उक्त वडामा बिभिन्न चार वटा वस्ती रहेका छन् । ती वस्तीहरुमा छिप्रा, माझा, नल्ल र लेख रहेका हुन । उनले निक्कै प्रयासका बाबजुत ती योजनाहरु वडाका वस्तीका लागि तय गर्न सफल भई सम्पन्न गर्न समेत सफल भएको बताईन । वडा अध्यक्ष शाहीले योजनाहरुको नाम, उपभोक्ता समितिको अध्यक्ष, सचिव र कोषध्यक्षको नाम, योजना स्थल, अन्तिम भुक्तानी र आयोजनाको नाम समेत प्रस्तुतीमा खुलाईएको थियो । कार्यक्रममा अन्य वडा सदस्यहरु र चार वटै गाउँका स्थानीयको उपस्थिती रहेको थियो । सहभागीले राखेका जिज्ञासाको प्रतिकृया वडा अध्यक्ष शाहीले दिएकी थिईन ।
