- सि.टा. समाचारदाता
सिमकोट । बिहीवार बिहानैबाट पहिरोले कर्णाली राजमार्ग अवरुद्ध भएको छ । गए राति देखिको वर्षाले कालीकोटको शुभभकालिका–१ मा पर्ने गगने खोलामा ठूलो ढुंगासहितको पहिरो गएपछि राजमार्ग अवरुद्ध भएको हो ।
पहिरो गएपछि कालिकोटबाट आएका गाडी हुल्म बजारमा रोकिएको ट्राफिक प्रहरीले जनाएको छ ।गगने खोलामा पहिरोसँगै ढुङ्गा खसिरहेकोले तत्काल हटाउन सक्ने अवस्था देखिएको छैन् । वर्षाले दैखोला सेरिघाट सडकखण्डको हुल्ममा पनि पहिरो झरेको छ । असारयता गगने खोलामा मात्र २७ पटक पहिरो झरेर ३९ दिन सडक अवरुद्ध भएको जिल्ला प्रहरी कार्यालय कालिकोटले जनाएको छ ।
