सि.टा. समाचारदाता
सिमकोट । सत्तारुढ दल नेकपा एमालेका उपमहासचिव प्रदिप ज्ञवाली हुम्लामा आई पुगेका छन । उक्त पार्टीको जिल्ला कमिटी हुम्लाले आयोजना गर्न लागेको प्रशिक्षण कार्यक्रममा सहभागिता जनाउन उनी हुम्ला आई पुगेका हुन ।
एमाले उपमहासचिव ज्ञवाली हुम्लामा आई पुगेको एमाले हुम्लाका सचिव तिर्थराज बोहराले बताए । उनले आगामी कातिक ५ गते सदरमुकाम सिमकोटमा कार्यकर्ताहरुको प्रशिक्षण कार्यक्रममा सहभागिता जनाउन उनी हुम्ला आई पुगेका हुन । ६ गते भने एमाले जिल्ला कमिटीको बैठक आयोजना गरिएको छ । उपमासचिवसंगै स्थायी कमिटी सदस्य एवं कर्णाली प्रदेश इन्चार्ज गोरखबहादुर बोगटी, कर्णाली प्रदेश अध्यक्ष गुलावजंग शाह, स्कुल बिभाग प्रमुख राजबहादुर बुढा, एमाले केन्द्रीय सदस्य दलबहादुर फडेरा जिल्लामा आई पुगेका हुन । यसअघि सो प्रशिक्षण कार्यक्रममा सहभागिता जनाउन एमाले केन्द्रीय सदस्य दलबहादुर रावल र केन्द्रीय सदस्य एवं हुम्ला जिल्ला इन्चार्ज छक्क बहादुर लामा हुम्लामा आई सकेका थिए ।
